Pagtatasa sa Paggamit ng KonteksFil sa Pagtuturo ng Filipino 11 ng Marigondon National High School, Lapu-lapu city, Cebu

Abstract

Ang pag-aaral ay naglalayon na tayahin ang pagganap ng mga mag-aaral bago at pagkatapos ng pagpapatupad ng pamamaraang KonteksFil. Ginamit ang Explanatory Sequential mixed method, kung saan ang Quasi-experimental method ay ginamit para sa kwantitatibong pagsusuri at ang Narrative Content Analysis para sa kwalitatibong pagsusuri. Sa pamamagitan ng Cochran Method Sampling, napili ang isang daan at animnapung (160) respondenteng mula sa TVL. Umangat ang antas ng pagganap ng parehong pangkat - ang eksperimental at kontrol - mula sa “Average” (pre-test) patungo sa “Moving Towards Mastery” (post-test). Gayunpaman, mas mataas ang mean score (43.43) ng pangkat eksperimental kumpara sa mean score (34.89) ng pangkat kontrol sa post-test. Ang “Sig. (2-tailed)” mula sa Paired Samples Test ay .000, na nagpapahiwatig ng makabuluhang pagkakaiba sa mga iskor ng pre-test at post-test ng dalawang pangkat. Sa kabuuan, pinapalakas ng pamamaraang KonteksFil ang pagganap ng mga mag-aaral, na nagdudulot ng mas malaking pagpapabuti kumpara sa mga tradisyunal na pamamaraan. Inirerekomenda ang patuloy na pagpapabuti sa implementasyon ng KonteksFil sa pamamagitan ng pagsasanay sa mga guro, pag-aayos ng kurikulum, at suporta mula sa pamunuan ng paaralan at pamayanan.