Motibasyon at Kasanayang Sosyal Kaugnay sa Akademik Perpormans ng mga Mag-aaral sa mga Distrito ng Dagohoy, Danao, San Miguel at Trinidad, Bohol(Dadasantri)

Abstract

Nilalayong matasa ang antas ng motibasyon at kasanayang sosyal kaugnay sa akademik perpormans sa asignaturang Filipino ng mga mag-aaral ng Grade 12 sa mga distrito ng Dagohoy, Danao, San Miguel at Trinidad, Bohol ng taong panuruan 2022-2023. Gumamit ng Motivation Strategies for Learning Questionnaire (MSLQ) at Social Skills Rating Systems (SSRS) sa pagtasa ng antas ng kasanayang sosyal. Ang mga mag-aaral ay may edad labinwalong (18) taong gulang at karamihan ay kababaihan. May mataas na motibasyon ang mag-aaral. May mataas na kasanayang sosyal sa dimensyong pagtitimpi at paninindigan, napakataas sa pakikiramay at pagtutulungan. Nagtamo ng akademik perpormans na outstanding. May makabuluhang kaugnayan sa antas ng motibasyon at antas ng kasanayang sosyal. Walang makabuluhang kaugnayan sa motibasyon at akademik perpormans. May makabuluhang kaugnayan sa kasanayang sosyal at akademik perpormans. Walang makabuluhang baryans sa motibasyon at edad ng mag-aaral. Walang makabuluhang baryans sa kasanayang sosyal at edad ng mag-aaral. Walang makabuluhang baryans sa kasanayang sosyal at edad ng mag-aaral. Walang makabuluhang baryans sa motibasyon at kasarian ng mag-aaral. May makabuluhang baryans sa kasanayang sosyal at kasarian ng mag-aaral. May makabuluhang baryans sa akademik perpormans at kasarian ng mag-aaral.